Popular Post

Popular Posts

Posted by : Pinoy Screen and Stage Wednesday, February 8, 2017




Bago umpisahan ang birthday party ng tinaguriang “Queen of Independent Films” producer na si Baby Go ay pinakilala ang kanyang ika-12 na pelikulang naprodyus  under her BG Productions International. Eto ang OFW drama film na Balatkayo na pinagbibidahan ng Kapamilya actress na si Aiko Melendez, at ang main cast din na sina Polo Ravales, Nathalie Hart, Rico Barrera at James Robert. May significant supporting roles sina Melissa Mendez, Kristine Barreto, Vangie Labalan, Lui Manansala, Ernie Garcia, at Jess Evardone. Ito ay mula sa panulat ni Jason Paul Laxamana at sa malikhaing direksyon ni Neal Tan.

Sa pelikulang Balatkayo, malalim na tinalakay ang buhay ng mga OFW na nagta-trabaho sa ibang bansa upang mabigyan ng maayos na kinabukasanan ng kanilang pamilya. Sa paghahangad na makaangat ang estado sa buhay ay nasasakripisyo ang pamilya at nasisira dahil sa kalungkutan, tukso at distansya sa isa’t-isa. Ang kaisa-isang anak (played by James Robert) nina Aiko Melendez (OFW sa Singapore) at Polo Raveles (OFW sa Dubai) ay masasangkot sa sex-video scandal.



Malalaman sa istorya na matagal na palang sira ang pagsasama nina Aiko at Polo dahil sa pagkakaroon nila ng relasyon sa mga kapwa OFW (played by Nathalie Hart and Rico Barrera). Ginastusan ang Balatkayo kung saan nag-shooting sa iba’t-ibang lugar kagaya ng Dubai, Abu Dhabi at Singapore. May mga mapangahas na eksena pero siguradong kapupulutan ng aral. Mauunang mapanood ang Balatkayo sa mga bansang Bahrain, Dubai, Abu Dhabi at Singapore bago magkaroon ng regular na pagpapalabas sa Pilipinas.

Binigyan ng award si Baby Go bilang “Most Outstanding Filipino In the Field of Independent Cinema Productions and Aesthetics” ng Gawad Amerika at “Outstanding Independent Producer” ng World Class Excellence Japan-Philippines Awardee. Patuloy sa paghakot ng award ang mga pelikula ng BG Productions sa ika-15thGawadTanglaw Awards  mula sa dalubguro at akademya galing sa ibat’ibang unibersidad ay itinanghal na Best Actor si Allen Dizon ( Iadya Mo Kami), Best Supporting Actress si Aiko Melendez ( IadyaMoKami), Special Jury Prize ang “Area”, Best Children Film ang “Child Haus”, Student Choice award for Best Film ang “Laut”, Best Editing si Gilbert Obispo sa “Area” at Best Production Design si Cyrus Khan saLaut.Ang “Area” ni Louie Ignacio ay nakatakdang mag-compete sa tatlong prestihiyosong International Film Festival sa Amerika sa darating na Marso at Abril.




Masaya ring pinahayag ng “lady producer” ang mg anaka-linyang proyekto ng BG Productions International for 2017.kagaya ng “horror film” ng Italian Director nasi Paolo Bertola, isang all-out-comedy pero satire on environmental problem ni Joel Lamangan, “horror ghost story” ni Mel Chionglo na pagbibidahan ng isang premyadong veteran actress, ang Nuclear Family ni Jason Paul Lxamana at posibleng Cinemalaya project ni Louie Ignacio. Siniguro rin ni Ms. Baby Go na kung papalarin ay isasali niya ang anumang pelikula niyang matapos sa taunang MMFF.



Dinagsa ng malalaking artista, mga malalapit na kaibigan from Chinese Chambers Group, NBI, Pards Manila, mga”film director”, “movie staff & crew” at “media people” ang birthday party ni Ms. Baby Go na ginanap sa Marco Polo Hotel sa Ortigas.



*Photos from BG productions except the last two.


Leave a Reply

Subscribe to Posts | Subscribe to Comments

- Copyright © Pinoy Screen and Stage - Devil Survivor 2 - Powered by Blogger - Designed by Johanes Djogan -