Around 700 Screens ng Commercial Theaters, Inilaan para sa Pista ng Pelikulang Pilipino

“In FDCP, we want to be inclusive in our projects and those that they benefit. Along with providing continuous support to our Filipino filmmakers in many of our programs, we are also coming up with ways to create a culture of support and viewership from among our audience,” ani FDCP Chairperson Liza Diño nang inilunsad ang proyekto noong ika-26 ng Abril sa Salu Restaurant.

Ang Pista ng Pelikulang Pilipino ay ang latest na proyekto ng FDCP. Ito ay naglalayong bigyang espasyo ang mga dekalidad na pelikulang Pilipino sa commercial theaters sa buong bansa. Itinaon talaga ito sa Buwan ng Wika bilang pagkilala sa mga natatanging pelikula mula sa iba’t ibang genres.

Ang film festival na ito ay bukas sa lahat ng Filipino filmmakers na gustong magsumite ng kanilang mga natapos na pelikula on or before June 15, 2017. Sampu (10) hanggang labindalawang (12) pelikula ang pipiliin ng Selection Committee na bukod sa FDCP Chairperson ay kabilang sina Jose Javier Reyes, Erik Matti, Ricky Lee, at ang batikang editor na si Manet Dayrit ng Roadrunner Network.

Ang mga pelikulang balak isali ay dapat hindi nagkaroon ng commercial run sa Pilipinas. Maaring sumali pa rin ang mga naging parte ng indie film festivals gaya ng Cinemalaya at Cinema One Originals basta nga walang mainstream release. Maging ang mga pelikulang Pilipino na nanalo sa mga patimpalak abroad ay maaaring isali. Ang kinakailangan lang ay natapos ito not earlier than one year prior.

“We are grateful for the support and partnership of the National Cinema Association of the Philippines and SM Lifestyle Entertainment who have graciously dedicated over seven hundred (700) of their screens for the Pista,” masayang dagdag ni Liza. Ang Pista ng Pelikulang Pilipino ay magaganap sa August 16-22, 2017. Walang awarding ceremonies bagaman mamimili ang panelists ng pagbibigyan ng Audience Choice Award. S akasulukuyan ay pinag-uusapan pa kung may cash prize o wala.

Bukod sa screenings, magkakaroon din ng caravans, audience surveys, at forums para i-maximiza ang pakikilahok ng film stakeholders, at para na rin maging mas interesante sa dumaraming film audience and movie enthusiasts.

Para sa karagdagang impormasyon at kumpletong listahan ng requirements, maaaring mag-email sa FDCP sa chairliza@fdcp.ph o pwede ring bisitahin ang official Facebook page: https://www.facebook.com/FDCP.ph