Matapos mamahinga sa music scene, muling nagbabalik ang tinaguriang OPM's Acoustic Princess na si Princess Velasco para sa kanyang debut single sa GMA Music na pinamagatang Kaunti Na Lang.
Inilarawan ng composer na si Noah Zuñiga ang single ni Princess na inspiring. Mapapanood na rin ang music video nito sa ilalim ng direksyon ni Chris Librojo sa official Youtube channel ng GMA Music ngayong araw, Setyembre 11, sa ganap ng alas-3 ng hapon.
Ibinahagi ni Princess na tumagos sa kanyang puso ang mensahe ng kanta dahil pinaalala nito sa kanya ang nga pinagdaanan ng kanyang 'Ate Letty', ang househelp ng pamilya nila mula bata pa lamang siya.
"Alam ko kasi 'yung talambuhay niya eh, 'yung paghihirap niya, na nasasalamin ng lahat ng karaniwang Pilipino. Nakaka-inspire, 'yung melody ay nakaka-antig ng damdamin," kuwento niya.
Ang Kaunti Na Lang ay maaari nang mapakinggan sa Apple Music, Spotify, at iba pang digital stores worldwide.
Sa kabilang banda, ang promising Kapuso star na si Angel Guardian ay may upbeat debut single na pinamagatang 'Di Ko. Ang half-Filipino at half-Israeli Palestinian GMA Artist Center beauty ay mayroon din palang itinatagong talent sa pagkanta.
Aniya, umaapaw ang kanyang tuwa sa paggawa ng awit na ito. "I feel blessed to be finally launching my very first single. Music is very close to my heart and it's really something that I want to share with all our Kapuso supporters. I hope they like 'Di Ko as much as I had fun recording it.
Isinulat ni Giarell Apolona, ang 'Di Ko ay puwede nang mapakinggan sa Apple Music, Spotify, at iba pang digital stores worldwide.
No comments:
Post a Comment